غزلت ليكي توب محبة
بقلم : حازم سعيد ( أبو عبدالله )
عشت برسم دنيتي متفصّله مظبوط عليكي
غزلت ليكي توب محبة وقلب قلبي وهبته ليكي
كنت بتألم لألمك وارمي فرحي بين إيديكي
وانتِ غدر الكون بحاله جسر موصول بين عينيكي
طلعتي قطه بتغدري وبتجرحي اللي اهتم بيكي
هتعيشي تاكلي وتنكري وتموتي واللقمه ف ايديكي
قلبي من جوّه لغاكي ومستحيل اندم عليكي
بكره جاي وافكّرِك هتشوفي مين راح يشتهيكي
هتجيني إللي تصون هوايا إللي يوم مطمرش فيكي
واللي طبعه شكل طبعك هو ده اللي هيشتريكي
بقلم : حازم سعيد ( أبو عبدالله )
إرسال تعليق