وحلة للركب— زجل الدكتور صبرى إسماعيل
*******
على أيه يموت الناس هدر-فى شرقِنا من غير سبب
اللى انجرح واللى انكسر--منّه الأمل واللى انشطب
واللى سلخ واللى اتسلخ------من هيكله يالا العجب
إنسانه منّه بيتملخ----------والعقل بيصيبه العطب
طب ليه يسافر للممات--والشمس تصرخ بالغضب
بالشرق سوق المكلمات----غلب المكاين والرُطب
والعقل خشّه خزعبلات--وستيتة غرقت فى الكذِب
فى الكفّ طرناطة حديد-والتانية حملين من حطب
وصميدة عايق واشترى--نوكيا الهولندى من حلب
ياشرق صحصح حبتين----بالعِلم كل الكون كسب
روسيا وطوكيو وكوهين---والغرب ظلاّم العرب
دا العقل درب النابغين------والجهل وحلة للركُب
إرسال تعليق