حسب الميعاد
حسب الميعاد انا جيت .. ووقفت مكاني .. استنيت
مواعيدي بقت مظبوطة .. من بعد ماعشقت وحبيت
ساعة مرت .. قول : لا .. ساعتين ..
اشوف الساعة .. الاقيها دقيقتين !
وقتك معايا .. حكايته حكايا .. وانت بعيد .. الوقت يزيد
وانت معايا .. من غير مادري
الوقت يعدي بسرعة ويجري
ياحبيبي قوللي انت فين ..
الطريق اخّرك والا لسه ف البيت ؟
حسب الميعاد انا جيت .. ووقفت مكاني استنيت
مواعيدي بقت مظبوطة .. من بعد ماعشقت وحبيت
****************
حبك غيَّر من طبعي و حالي .. وخَاللى كل شئ حواليا جميل
من اول نظرة عنيا في عينيك .. حتى يا حبيبي .. سكون الليل
حبك خلاني اصالح زماني .. وانسى و أسامح اللي اتعمل فيا
حبك خلاني اصالح خِلّاني .. واشوف الناس بعيون تانية
حبك علمني الوفاء والحنان .. والعطاء والرحمة والإنسانية
ايوه يا حبيبي بَحبك .. واتمنى اعيش قربك ....
ينشغل بالحب قلبك .. ويبان انك حبيت
حسب الميعاد انا جيت .. ووقفت مكاني استنيت
مواعيدي بقت مظبوطة من بعد ماعشقت وحبيت
حسب الميعاد .. كلمات .. سعد محمد المهدي
إرسال تعليق