صرخة مغترب
للشاعر / التهامي علي حسين
تم التسجيل وحقوق النشر محفوظه
==========================
• يا نظام عليل
• كفاياك تضليل
• كفاياك تمثيل
• خلتني ذليل
•
وسط الشعوب
• في كل مكان
• تلاقيني متهان
• وانضرب كمان
•
وبيحدفوني بالطوب
• ولا بقدر احكي
• ولا بقدر اشكي
• واكتم دموعي ومن جوه ببكي
• ماانا اللي مغصوب
• ولو في مره شكيت
• او حتي مره حكيت
• ياخدوني من البيت
• واطلع انا المعيوب
• وعشان لقمة العيش
• صابر علي التهميش
• واكدب علي نفسي واقول
• يمكن تكفير ذنوب
• في بلدي متهان
• وبراها متهان
• نفسي اروح لمكان
• وابقا هناك محسوب
• بلدنا فيها الخير
• وبتأكلوه للغير
• واحنا بقينا طير
• سافر في كل مكان يدور علي حبوب
• يانظام معيوب
• ده العمر محسوب
• وكفنك مافيهش جيوب
• كفاياك..اشبع بقا وتوب
• يانظام مشلول
• انا راضي بالفول
• بس انت مسئول
• تحميني بين الشعوب
• مطلوب منك تحمي سلامتي
• وكرامتي قبل سلامتي
• في كل مكان في شمال وجنوب
• طب جوع وجوعتونا
• وبهدله وبهدلتونا
وفي الغربه شردتونا
• كمان عايزين تسيبونا
• لسفاره فيها مندوب
• يانظام عواجيز
• كفاياكوا تعجيز
• رخصتوا كل عزيز
• واخرتكم هروب
• شمتوا فينا الناس
• حتي اللي كان منداس
• واللي مالوشي اساس
• يبقا علينا محسوب ؟
• ازاي نايمين ؟؟؟
• وازاي يجيلكو النوم ؟؟
• شوفوا كام مسكين
• شوفوا كام مهموم
•
ده انا بدعي عليكوا في شروق وغروب
• اتقوا ربنا فينا
• دحنا غلابه مساكين
• ولا نعرفوا مارينا
• ولا عشنا في بساتين
• ورغم اللي حاصل فينا
• راضيين بالمكتوب
•
==========================
التهامي الصعيدي ..................
إرسال تعليق