حبك ذنب
مالوش لزمه العتاب بينا
وليه عاوزانا نتعاتب
مادام كل اللي كان بينا
ف طرح وقسمه نتحاسب
ونبقي ف دايره مقفوله
محوطانا جراح وهموم
هاقولك بس معلومه
مادام بعتي مالوهش لزوم
وخلينا كده ذكري
نحاول حتي ننساها
ونستني امل بكره
ف ناس تانيه ونهواها
عشان الحب كفرناه
وماتت كل احلامنا
بوهم وكدب صدقناه
وهربت منا ايامنا
راح اقفل قلبي ع الفاضي
ومش هاسمحله تاني يحب
وهاطوي صفحه الماضي
مادام حبك لقيته ذنب
حبك ذنب
بقلم
خالد الكردي
إرسال تعليق