الدنيا كلها .. ميادين ومفارق
طول مانا ماشي .. عَمَّال افارق
دَ سافر .. لخارج البلاد
و دَ فارق .. بهجر وبعاد
ودَ باختيار .. رب العباد
وناس كتير .. كتير .. بتفارق
ماهي الدنيا كلها .. ميادين ومفارق
طول مانا ماشي .. عمَّال افارق
*****************
الدنيا صعبة ..
صعبة جداً ع الإنسان
العمر فيها قصير ..
مهما يطول الزمان
فيها الحلو .. وفيها المر
فيها اللي يحَزِّن .. وفيها اللي يُسر
وكلها كام سنة .. والكل يمر
ويسيب التاني .. ويفارق
ماهي الدنيا كلها .. ميادين ومفارق
طول مانا ماشي .. عمَّال افارق
*****************
ميادين ومفارق .. كلمات .. سعد المهدي
إرسال تعليق